放o係你個頭上

"床都未買, 個女出世訓邊呀..........



放o係你個頭上養呀~!?"

---

老公呀~

唔係我之前話:
乜都未買乜都未準備,連床都無,你就以為買左張床就叫準備好係嘛?!
係咁你又真係好單純wor.......

你識同bb沖涼未呢? 同佢著咩衫你識唔識呢? 當年文文3歲d骨硬硬淨你都唔識抱, 你識得點抱一個剛剛出世骨酥肉軟的bb未呢?

你估真係你未買床我叫你將個女放o係個頭上來養,咁買左你就飛天咩?!

有咩要準備, 有咩要學, 有咩要買.... 我鬼知咩?! 我淨係見過亞駒同文文兩個bb; 亞駒果陣我得幾歲架乍; 文文出世我同你住照顧你, 唔係去同佢住; 你憑咩認為我會知道人地點照顧一個初生嬰兒呢?!

---

請你不要再交番個波俾我, 因為我本身成個人已經係一個波了~

有什麼問題都請你去搵個答案返來俾我, 唔好我問你一樣你問番我一百樣;

至於我呢, 我唔係無付出架, 我就會俾晒d血呀氣呀咁俾晒你個女; 咁好fair la~ 唔該! (唔順氣一係交換丫笨 :p)

你話架:

"喂, 快d洗埋d衫啦~"
"我好倦啦, 我今日擒高擒低舟車勞頓趕deadline; 你洗啦"
"我仲倦啦, 我得幾個月乍; 我要趕工整個人類出黎呀~"
"好, 你贏!"


k.o. 你!!
PERFECT!!!

---

唔需要理我有無人理, 總之你理咪得囉~
唔需要理我有無人買補品俾我食, 你係錫我的,你買就行啦~
唔需要理有無人關心bb, 你關心咪得囉~

快d同我一齊去上堂學幫bb洗白白啦: 你幫我著鞋都整痛我;
我都還會叫痛, 會推開你;
你個女女就算幾天才, 一出世,我夠膽講句:相信佢係唔識講說話架......................

好緊張呀~好緊張呀~

近幾天每晚睡前都要去幾次廁所, 去完上床剛脫下眼鏡又要戴上再去la...

每天每天下午都超級想睡~~

昨天更加feel到一一好像想"突圍"一樣!

唔好住呀乖女! mama仲未準備好呀~ 你都係住耐d先la, 心呀肺呀乜都好, 生好晒先出黎呀~~ 保你大呀女.........

---

早幾天回東東拿了些照片出來看, 亞駒真是長得超像大姐呢; 2位家姐, 亞哥, 我小時, 駒... 一個個都是光看照片就知道是家裡的寶貝..... (亞哥細個好曳呀~~ 同我細個時成日裝大人教訓我個樣一點都不像!!)

希望一一baby都會是個人人都愛錫的好寶寶la~

---

同埋一定要2月7號至好出來, 乖乖!

照了4d

昨天去了照了4d, 一一訓左覺噢!
雙手捧住塊面訓左...
而且臍帶剛好在面上, 所以照得濛濛地~~

但是醫生很耐心從好多個角度試了很多次想幫我們照清楚呢, 甚至讓我行一陣再照, 醫生人真好~
再照時, 一一的小手拿開了,　但臍帶還是在那兒...

張大嘴打呵欠超搞笑~

唔唔~~ 一切正常, 好開心呀! 一一有少少大碼, 排63.幾%... 好好!

---

一一的4d, 我一回家就拿出來看~ 最衰個dvd-rom拿走了啦~ 所以只可以在電視看啦. 不停又freeze又zoom, 真開心~~ 老公回來又再看, 百看不厭啦~

---

今早醒來發現老公的睡相竟和一一昨天照出來的一樣: 舉著雙手放在臉上!! 有無咁"蹺"呀真係~ 咁都有得遺傳咩?！
可惜我想影低佢時郁到佢, 換了姿勢, 下次我一定要映下來~~

---

bb床和搖椅都送來了~
就等你啦, 小寶寶~ 2月7日! 唔好遲唔好早啊! 錫晒你 (唔好好似dad-dad咁唔守時呀~)

BOOK 好了啦~~

book 好了手術室啦! 2月7日!!!

一一baby, 請你乖乖地留在mama的肚子裡住到那時啦~~ 乖乖

因為是金豬年的關係, 醫院的vacancy都很緊張; book到 o.r. , 連醫生也開心的笑了; baby, 看看! 連醫生也替你高興呢~~

一一好叻呀~ 已經會像 youtube那 clip一樣突晒隻腳出來, 也已經掉頭了, 好! 一切準備就緒, (床都買埋俾你啦~~ 行到我腳仔軟先揀定~~)

等你啦~

拜拜lu......

星期日去坐天星小輪, 要拜拜lu...... 幾歲的時候常常都會和媽咪去坐呢~

---

最喜歡看船前進時海面的浪花: 我總覺得那些是七喜來的!

---

還有去中環喝咖啡吃蛋治;

---

還有等開閘上船人擠人;

---

還有下船之前趕快把坐位靠背都翻去另一邊;

---

還有下跳板總要跳一跳;

---

還有下船之後人還是浮浮下;

---

還有那條"天祥"買的紅色裙子因為我不小心跌倒在艦繩上弄髒了以後都不能穿了媽都沒有罵我只是擔心我好彩沒掉下海我卻撒嬌大哭只因為裙子髒了;

---

還有還有...

---

拜拜lu......

流鼻血

星期六

嘩! 咁大個人第一次流鼻血.......

本來映左張相, 太核突啦~~ 血淋漓....... 唔post lu

I'm big!

: "Wow, you look big."
: "That's just because I'm pregnant!"



大姐向朋友介紹我...
"這是我妹妹..."

大家看看我,笑笑;
我也站起來向大家笑笑...

"她2月要生小孩子;
"她平時不是這樣的!"

(平時不是這樣...?! 乜我淨係似肥 唔似大肚咩?! )

99 Days to Go!

Weekend:

因為星期一是重陽節, weekend變了個 long weekend.

---

Saturday很夜都還未去睡, 一邊看電視又一邊傾下計仔啦, 一一又要傾一份wor~~
"gu-dong go-dong"好大反應呀~~
係啦係啦, 預埋你一份, 唔會漏左你o既~~

我發覺baby很喜歡dad-dad的聲音呢, 是不是因為dad-dad在, mama才出聲嘛? 很喜歡一齊出下聲嗎? 應該是個小八卦嗎?　

---

禮拜日同 honey去左飲茶, 食到飽飽; 之後又去參觀姑姐新屋....

一一baby呢, 好鬼鍾意去街街個wor, 人地d bb書通通話mama去街街去活動, baby係會在肚子裡搖到睡大覺; 一一baby唔係架wor, 一味踢踢個wor...

好玩嗎? 踢踢腳好開心是嗎?

---

昨天:

大姐的新店開啦~ 我們去參觀一下, 大姐好開心啊~~ (原來店的人才是大姐親手 train出來的, 難怪啦咁開心啦~)
又原來這裡已經暴光了(?) honey還被哥取笑啦 (溫習漫畫, hahahaha~)
同大家吃飯真開心!! 好開心好開心~~

honey的頸終於好了~~ 不過回到家又有點點痛... 唔, 總之總算好起來了吧? 總算不用再扮機械人啦 :P 扭到你痛了這許久(2個月啦!!), 對不起呢....


讓亞駒摸摸一一在郁動的肚皮真好玩, 不知道他的感覺是怎麼的呢? 我叫一一踢下亞駒; 一一竟真的"DONG"地踢一下, 哈! 好醒目wor乖乖, 亞駒嚇了一下呢~~
haha~ 出世了也要和駒駒一起玩啦~~

去吃飯時又忘記要買眼藥, 走的時候太晚了... 處處都關了... 以前還可以在7仔買到 Complete 來用, 現在好像每間7仔都沒得賣了..... 哥本來載我們回家變了要載我們到處找眼藥.... sign.... 還讓parking過鐘了要多付,又得先載嫂回家(要一早起來嘛, 難道還先載我們去山長水遠!?)

雖然最後買到, 不過真貴! 貴到傻!! 好彩有kitkat食~~ 什麼都忘了~~~

---

一一baby今天在mama的肚子裡有 25 weeks 6 days 大啦, 還有99 天就出來同大家見面~ mama好期待你來~~~

好想好想見你, 好想好想你同大家一起開開心心~~

乖乖, 要健健康康出來, 知道嗎~~

錫錫~~