痛痛呀~!

這幾晚差不多12時吧, 肚子便像孫猴子比師傅唸緊箍咒緊緊箍著一樣........

痛死我啦~~~



星期日晚更加痛到鍊住架健身單車條柄流眼淚...

臭肥B!! 竟然說:

"梗係唔俾隻手你捉啦, 容乜易俾你鍊爛我隻手; 你鍊到條鐵都孿啦"

"你......, 你好野! 哼!!"

(honey無咁衰, 都係引番我笑之嘛)

昨晚就好點, 又痛痛的時候正在沖澡, 熱水打在身上有點舒緩了痛;

---

不過昨晚還未回家時, 在商場就痛得離奇呢: 感到一一baby像在大大力伸張指爪, 她的頭好像要鑽出來一樣... 不要嚇我嘛!! 好啦好啦, 唔行喇, 行得倦了是不是? 都係買野俾你嗟, 女女~

---

女女: 爹爹選了玩具給你, mama就揀了好多書仔俾你,
好開心呀~~ 你要乖乖哦~~!!!
(咁究竟算係買俾女女定係買俾dad-dad, mama呢...)

錫晒!

一一有好多新衫衫

大姐買了好多新衫給一一baby! 真開心!!

叫了我和honey上去店子去去拿, 果然呢, 禁煙後她都不想出去吃飯了~~ 不能抽煙嘛... 於是我們便吃了東西再上去

去到她正在按摩.........
為什麼那個幫她按摩的嬸嬸不停地重複9000幾次:"你唔駛做野, 湊bb都唔辛苦丫..." "你唔駛做野, 可以好好坐月丫..." "你唔駛做野, 餵人奶都好輕鬆丫..."

喂, 阿大嬸, 邊個話我唔駛做野呀?!
我做野要用腦架; 你估耕田咩, 唔駛辛苦就得...
就算坐月/餵人奶/湊bb唔駛辛苦, 唔驚脫節呀?!
你估同人按摩呀? 咸豐年到而家都一樣呀? 你出力做就得呀?

邊x個話我唔駛做架?　都黐咩線!

以為佢講一句半句, 我先費事同佢解釋, 費事勞氣; 黐孖筋講足9000幾次...
(唉唉, 就係咁, 一陣d屋企人又當埋我無做野啦.... 成日都食埋d咁o既死貓~~~ 我唔出聲唔係代表我承認d無知友o既assumption 架, 真激氣! &^%@$$&*!!?!)

---

見到亞哥真開心, 他都摸摸我肚皮呢

一一, 摸摸你的就是舅父喇, 要乖乖哦; 舅父都會好錫你架

---

大姐看了一一baby 的sonograph pics 話一一baby鼻扁扁wor, 哈哈, 唔怕啦, 似mama! 係咪好可愛先?!

爆爛口

唔知做咩, 瞓醒覺發現



個嘴唇爆坼爆開咗, 仲滭血

黏膠布唔知可唔以可以呢...

分享下而家既感覺丫

我同老公一齊已經踏入第10年啦 (結左婚都8年了!)

以前成日風風火火, 好既時候好熱情 () , 唔好既時候就超火爆 (); 自從有左, 火爆同熱情都收歛左, 唔...有d似要催自己長大prepare做爸媽咁啦

其實個感覺幾得意, 就快: 就快有個人仔係我同佢加埋而成的啦! 雖然同老公一齊咁耐, 但就快因為呢個人仔令我地更成為"血肉相連"的一家人; 我覺得同佢更接近囉~~

當然都仲係好揗雞bb出世點搞果d, 但我最強烈係覺得同老公的bonding 勁左好多好多

昨晚嚇瓜我

昨晚出去回來, 在家門口下車時肚子左下(差不多是一一個頭仔的位置?) , 好像閃下閃下地痛 嘩, 嚇到我丫~

上樓梯更加好像雙腳完全沒力一樣, 要honey扶我一級一級不在話下,
整個人的意識好像只存在在肚子痛痛那10cm²的笵圍處

只懂心想, 唔係呱? 咁快?


好在上得家門, 攤上sofa又不痛了

一一! 唔好嚇爹爹媽媽呢?! 真係bb保妳大~

(阿爹唔知有幾驚呢?!)

我捉到她的小腳腳

嘩!

今天早上醒過來, 一一小 又在踢踢...

嘻, 　

我．捉．到．她．的．小．腳．腳．呀　

！！！

好開心啊！　
立即"成個人醒晒", 雖然只是一下(都不夠半秒),
但我確實捉到妳啦 , 寶寶

在肚臍的右面上少少, 握到她的腳腳在我右手掌心...
我要永遠都記住這個感覺~
太開心了

---

前天去看醫生, 醫生說一一小已經有 5磅11安重了, 要努力生長呀, 加油, 乖乖!

錫錫